油麻地少見高質cafe - Plato Cafe & Bistro (油麻地)
同朋友去電影中心睇電影，附近冇咩好食，open rice 見到呢間樓上Cafe，於是就去試吓。
我哋要左2份dinner set, 鍾意食牛嘅我要左美國安格斯西冷扒，大大份好juice, 切開出嚟肉嫩多汁，而且啖啖肉，一啲都冇渣，超級好味。
朋友食得比較清淡，就要左一個黑松露野菌意大利飯，我都偷食咗兩啖，香濃嘅黑松露醬，配上粒粒意大利飯，濕濕地，食完唔知點解好開胃。
每一份晚餐都會有餐湯，同埋配一杯嘢飲，餐湯好似可以升級，但我哋都係要咗完本嘅餐湯，餐湯熱辣辣，而且好濃郁。至於嘢飲，我就要左一個黑牛，朋友就要左一杯檸檬薑熱飲，結束完美嘅一餐。
留言
張貼留言